Kampionia olimpike, Distria Krasniqi, i është rikthyer garave sot, ku është duke garuar në Grand Slamin e Bakusë, që po zhvillohet në kryeqytetin e Azerbajxhanit.
Krasniqi i rikthehet garave pas medaljes së artë olimpike me një ndryshim të ri, ku nuk do të garojë më në kategorinë deri në 48 kilogramë, por në kategorinë deri në 52 kilogramë.
Distria e nisi këtë garë me fitore, ku në luftën e parë e mposhti xhudisten japoneze Nanako Tsubone.
Xhudistja kosovare në luftën e dytë do të përballet me hungarezen Reka Pupp.