Ende pa bërë disa ndeshje me Chelsean dhe transferimi i ri Kalidou Koulibaly tashmë ka fituar respektin e tifozëve pasi ai telefonoi legjendën e klubit, John Terryn, për leje për të përdorur numrin e tij të famshëm të fanellës.
Mbrojtësi 31-vjeçar, i cili iu bashkua “Bluve” nga skuadra e Napolit këtë verë për një tarifë prej 40 milionë eurosh, do të mbajë numrin 26 këtë sezon, përcjell KosovaPress.
Por, përpara se numri i fanellës të konfirmohej nga klubi, Koulibaly donte të sigurohej që ishte në rregull me John Terry.
Terry, kapiteni më i suksesshëm në historinë e Chelseat me 15 tituj të fituar, bëri gjithsej 717 paraqitje për klubin ndërsa mbante numrin ikonik 26.