Shefja e grupit parlamentar të Lëvizja Vetëvendosje, Arbërie Nagavci e konsideron antikushtetues vendimin për shpërndarjen e Kuvendit të Kosovës. Përmes një konference për media, deputetja Arbërie Nagavci bëri të ditur se partia e saj do të dorëzojë kërkesën në Gjykatën Kushtetuese për të kontestuar ligjshmërinë e këtij akti.
Nagavci argumentoi se ky vendim është i paarsyeshëm, veçanërisht duke pasur parasysh agjendën parlamentare që ishte planifikuar për ditën e sotme. Sipas saj, shpërndarja ka bllokuar procese me peshë financiare për vendin.
“Nuk ka asnjë arsye se pse duhej të ndodhte një akt i tillë sot në mëngjes. Me kërkesën e Qeverisë sot në 14:00 ka qenë e ftuar një seancë për shqyrtimin e marrëveshjeve ndërkombëtare me vlerë rreth 100 milionë euro projekte me interes të qytetarëve”, ka thënë ajo në konferencë për media.
Kjo lëvizje e LVV-së vjen si reagim i menjëhershëm ndaj dekretit të fundit, duke e cilësuar atë si një pengesë për realizimin e projekteve në interes të publikut.
Abdixhiku mbështet shpërndarjen e Kuvendit: “U mbrojt rendi kushtetues”
Kryetari i Lidhjes Demokratike të Kosovës, Lumir Abdixhiku, ka deklaruar mbështetjen e tij për vendimin e Presidentes Vjosa Osmani-Sadriu për shpërndarjen e Kuvendit të Kosovës.
Sipas Abdixhikut, LDK-ja vlerëson përgjegjësinë dhe qartësinë kushtetuese që Presidentja ka treguar përmes këtë vendimi, duke vepruar në mbrojtje të rendit kushtetues dhe funksionimit normal të institucioneve të Republikës.
Kreu i LDK-së u shpreh se dështimet politike dhe tendencat për imponim nuk mund të prodhojnë zvarritje procedurale, të cilat do ta shndërronin Kosovën në një vend pa norma dhe rregulla. Ai u shpreh i gatshëm që partia e tij të marrë pjesë në konsultimet e menjëhershme për caktimin e datës së zgjedhjeve të reja.
Në fund, Abdixhiku nënvizoi se zgjedhjet nuk ishin alternativa e preferuar e LDK-së dhe se ekzistonte mundësia për ta evituar këtë proces. Megjithatë, siç u shpreh ai: “Apetitet për kapje njëpartiake të të gjitha pozitave shtetërore parandaluan çdo kompromis eventual”.
Kosova drejt zgjedhjeve të reja: Presidentja Osmani shpërndan Kuvendin
Në mëngjesin e së premtes, Presidentja e Kosovës, Vjosa Osmani, ka nënshkruar zyrtarisht dekretin për shpërndarjen e legjislaturës aktuale të Kuvendit. Ky vendim vjen si pasojë e ngërçit politik të krijuar në institucionin ligjvënës.
Në një deklaratë për mediat, Osmani sqaroi se pamundësia e deputetëve për të zgjedhur kreun e ri të shtetit gjatë natës së mbrëmshme e ka dërguar vendin në mënyrë të pashmangshme drejt procesit të parakohshëm zgjedhor.
“Kjo situatë ka qenë plotësisht e evitueshme. Është fatkeqësi e madhe që ata përfaqësues nuk zgjodhën interesin e popullit”, ka theksuar ajo.
Procesi i zgjedhjes u ndërpre gjatë një seance të jashtëzakonshme të mbajtur vonë të enjten, vetëm pak orë para se të skadonte afati ligjor i paraparë me Kushtetutë. Shkak për këtë u bë mungesa e votave të mjaftueshme në sallë për të vijuar me procedurat.
Sipas rregullave në fuqi, për zgjedhjen e presidentit kërkohet prania e 80 deputetëve në kuti gjatë dy raundeve të para, ndërsa në të tretin nevojiten të paktën 61 vota. Megjithatë, të enjten ishin të pranishëm vetëm 66 deputetë të shumicës qeverisëse, pasi opozita zgjodhi të mos merrte pjesë.
Gjatë ditës së premte, Presidentja e Kosovës, Vjosa Osmani, ka nënshkruar zyrtarisht dekretin për shpërndarjen e legjislaturës aktuale të Kuvendit. Ky vendim vjen si pasojë e ngërçit politik të krijuar në institucionin ligjvënës.
Në një deklaratë për mediat, Osmani sqaroi se pamundësia e deputetëve për të zgjedhur kreun e ri të shtetit gjatë natës së mbrëmshme e ka dërguar vendin në mënyrë të pashmangshme drejt procesit të parakohshëm zgjedhor.
“Kjo situatë ka qenë plotësisht e evitueshme. Është fatkeqësi e madhe që ata përfaqësues nuk zgjodhën interesin e popullit”, ka theksuar ajo.
Procesi i zgjedhjes u ndërpre gjatë një seance të jashtëzakonshme të mbajtur vonë të enjten, vetëm pak orë para se të skadonte afati ligjor i paraparë me Kushtetutë. Shkak për këtë u bë mungesa e votave të mjaftueshme në sallë për të vijuar me procedurat.
Sipas rregullave në fuqi, për zgjedhjen e presidentit kërkohet prania e 80 deputetëve në kuti gjatë dy raundeve të para, ndërsa në të tretin nevojiten të paktën 61 vota. Megjithatë, të enjten ishin të pranishëm vetëm 66 deputetë të shumicës qeverisëse, pasi opozita zgjodhi të mos merrte pjesë.
Lajm në zhvillim…