Koreja e Jugut dhe Shtetet e Bashkuara kanë lëshuar tetë raketa balistike sot në përgjigje të testimeve të Koresë së Veriut një ditë më parë, tha ushtria e Seulit.
Shefat e Përbashkët të Shtabit thanë se në mëngjes herët aleatët lëshuan raketën ATACMS në caqet në Detin Lindor, i njohur gjithashtu si Deti i Japonisë.
Kjo një ditë pasi Koreja e Veriut lëshoi tetë raketa balistike me rreze të shkurtër veprimi pas një stërvitjeje të përbashkët ushtarake Koreja Jugore-SHBA ku përfshihej një aeroplanmbajtëse amerikane.
“Ushtria jonë dënon fuqishëm serinë e provokimeve të raketave balistike të Veriut dhe i kërkon rreptë të ndalojë menjëherë aktet që rrisin tensionet ushtarake në gadishull”, u tha në deklaratë.
Pheniani ka dyfishuar përmirësimin e programit të tij të armëve këtë vit, pavarësisht se po përballet me sanksione të dëmshme ekonomike, me zyrtarë dhe analistët që paralajmërojnë se regjimi po përgatitet të kryejë një provë të re bërthamore./UBTNews/