Ministri i Punëve të Jashtme dhe Diasporës, Glauk Konjufca, ka zhvilluar një takim me Ministrin e Punëve të Jashtme të Estonisë, Margus Tsahkna, në kuadër të Forumit të Sigurisë që po heldet në Varshavë.
Në qendër të bisedimeve ishte perspektiva evropiane e Republikës së Kosovës dhe lidhja e saj e ngushtë me sigurinë në Ballkanin Perëndimor. Konjufca theksoi se kërcënimet që burojnë nga Serbia, veprimet hibride dhe ndikimi keqdashës rus dëshmojnë se paqja kërkon angazhim të vazhdueshëm, ndërsa integrimi evropian i Kosovës shërben në forcimin e sigurisë së vetë Evropës.
Gjatë takimit, Konjufca vlerësoi rolin e Estonisë në qeverisjen digjitale dhe sigurinë kibernetike, si dhe shprehu falënderimin për mbështetjen e vazhdueshme dhe vullnetin e përbashkët për thellimin e bashkëpunimit dypalësh. /E.A/