Koalicioni i udhëhequr nga Arabia Saudite që mbështet qeverinë e Jemenit kundër rebelëve Huthi në konfliktin e Jemenit të martën njoftoi një armëpushim nga mëngjesi i së mërkurës dhe bisedimet e paqes gjatë muajit të Ramazanit që fillojnë muajin e ardhshëm.
“Koalicioni njofton me këtë rast ndërprerjen e operacioneve ushtarake në Jemen duke filluar nga ora 06:00 e mëngjesit (03:00 GMT) të mërkurën, 30 mars 2022” thuhet në një deklaratë të transmetuar nga Agjencia Saudite e Shtypit.
Kjo “me qëllim të krijimit të një mjedisi pozitiv gjatë muajit të shenjtë të Ramazanit për krijimin e paqes në Jemen”.
Ramazani do të fillojë në ditët e para të prillit.
Rebelët kanë shmangur takimin në Riad të mërkurën, i cili organizohet nga Këshilli i Bashkëpunimit të Gjirit dhe përfshin qeverinë e Jemenit dhe të dërguarit e SHBA-së dhe OKB-së në Jemen. Rebelët Huthi thonë se nuk do të udhëtojnë në territorin armik për bisedime.
I dërguari i OKB-së Hans Grundberg tha më herët të martën në mbrëmje në Twitter: “Unë jam shumë mirënjohës për mbështetjen unanime të shprehur për përpjekjet e OKB-së për de-përshkallëzimin e menjëhershëm dhe një zgjidhje politike të konfliktit”./UBTNews/