Pasi u thye rekordi i tyre kolosal në shtëpi në kampionat me humbjen kundër Burnleyt të enjten, Liverpooli pësoi humbjen dytë radhazi pasi ata u mposhtën me rezultatin 3-2 në FA Cup nga Manchester United në “Old Trafford”.
Trajneri i Liverpoolit Jurgen Klopp beson se ky ishte një rezultat i skuadrës së tij që ishte nën vrullin dhe dëshirën për të ringjallur një formë të zymtë që i ka parë ata të fitojnë vetëm një herë kundër United, në shtatë ndeshjet e tyre të fundit në të gjitha garat.
“Kishte shumë gjëra të mira dhe disa gabime rreth golave. Nëse dëshiron të fitosh këtu duhet të jesh absolutisht në nivelin më të lartë dhe ne nuk ishim,” u tha Klopp gazetarëve.
“Për golin e parë nuk kishim mbrojtje, e donim shumë golin. Gjëra si kjo nuk duhet të ndodhin por ato mund të ndodhin”, shtoi më tutje Jurgen Klopp.
“Ne mund t’i ndryshojmë gjërat nga kjo lojë, ne përpiqemi të mësojmë nga çdo ndeshje. Është mirë për Mo Salah, mirë për besimin e tij. Ishte një lojë e vështirë.”, tha në fund Klopp.
Skuadra e Ole Gunnar Solskjaer do të përballet me West Ham Unitedin dhe ish-menaxherin e United David Moyes në raundin e pestë të kupës.