Dy nga trajnerët më të mirë të Premier Ligës Angleze janë bërë bashkë për të drejtuar kritika ndaj federatës së kësaj të fundit për mënyrën e organizimit të ndeshjeve dhe rregullit të zëvendësimeve.
Ata u ndalën që të diskutojnë më gjatë pas ndeshjes dhe në daljet mediatike ata drejtuan shqetësimet e tyre drejt Federatës Angleze, lidhur me mënyrën se si po organizohen ndeshjet e premier ligës angleze.
Klopp është treguar i qartë në atë se organizimi duhet të ndryshojë dhe se duhet gjetur një mënyrë për të rregulluar më mirë kalendarin e ndeshjeve, pasi që kjo po u shkakton probleme skuadrave dhe lojtarëve në organizimin e ndeshjeve të shpeshta.
E nga ana tjetër Pep Guardiola adresoi kërkesat e tij për rregullin e pesë zëvendësimeve që FA nuk po pranon ta bëjë pjesë të rregullave të saj. Sipas Guardiolas, lëndimet nuk do të ndodhnin po që se do të ekzistonte rregulli i pesë zëvendësimeve.
Numri i lojtarëve të lënduar nga ngarkesa e ndeshjeve të shpeshta dhe muskujve të lënduar është rritur dukshëm në Premier Ligën Angleze, që konsiderohet një prej ligave më të mira në botë, teksa me ngritjen e zërit të dy trajnerëve më të fortë në botë pritet të kemi një reagim nga Federate Angleze e Futbollit./UBTNews