Lajm në zhvillim:
Përfaqësuesja e Kosovës në volejboll për femra ka shënuar fitoren e dytë në Lojërat Mesdhetare “Taranto 2026”.
Vajzat kosovare triumfuan 3:1 ndaj Maqedonisë së Veriut, në një ndeshje të fortë dhe me shumë rivalitet.
Kosova e fitoi setin e parë 30:28, ndërsa në të dytin ishte bindëse, duke triumfuar 25:17. Maqedonia e Veriut reagoi në setin e tretë dhe e fitoi atë 25:19, por përfaqësuesja kosovare u rikthye fuqishëm në setin e katërt, duke e fituar 25:16 dhe duke siguruar fitoren.
Kjo ishte fitorja e dytë e Kosovës në grup, pas asaj ndaj Algjerisë. Ndërkohë, përfaqësuesja kosovare ka edhe një humbje ndaj Greqisë.
Ndeshja e radhës do të jetë vendimtare për kalimin e grupit. Kosova nesër do të përballet me Turqinë, në një sfidë ku synon të sigurojë kualifikimin.
Urime përfaqësueses për fitoren dhe suksese në ndeshjen e radhës!
Kosova fiton edhe setin e dytë ndaj Maqedonisë së Veriut
Kosova ka fituar edhe setin e dytë ndaj Maqedonisë së Veriut në kuadër të Lojërave Mesdhetare “Taranto 2026”.
Pas fitores së ngushtë 30:28 në setin e parë, “Dardanët” ishin dukshëm më të sigurt në të dytin, të cilin e fituan me rezultat 25:17.
Kosova e kontrolloi lojën në pjesën më të madhe të setit dhe arriti të krijojë epërsi të qëndrueshme, duke mos i dhënë shumë hapësirë kundërshtarit për rikthim.
Me këtë fitore, Kosova tashmë kryeson 2:0 në sete dhe është vetëm një set larg fitores në këtë përballje.
Kosova fiton setin e parë ndaj Maqedonisë së Veriut, 30:28
Kosova e ka fituar setin e parë ndaj Maqedonisë së Veriut në kuadër të Lojërave Mesdhetare “Taranto 2026”.
“Dardanët” triumfuan me rezultat të ngushtë 30:28, pas një seti tejet të luftuar dhe me shumë emocione.
Të dyja skuadrat zhvilluan një betejë të fortë pikë për pikë, ndërsa fituesi u përcaktua vetëm në fund. Kosova tregoi karakter dhe përqendrim në momentet vendimtare, duke arritur ta mbyllë setin në favorin e saj.
Pas këtij starti pozitiv, Kosova synon ta vazhdojë me të njëjtin ritëm edhe në setet e ardhshme.
D.L