Kina ka njoftuar ndalimin e provimeve me shkrim për gjashtë dhe shtatë vjeçarët, transmeton UBT News.
Kjo po shihet si përpjekja e fundit që të provojnë të lehtësojnë presionin ndaj prindërve dhe nxënësve në një sistem arsimor shumë konkurrues.
Nxënësve u kërkohej të bënin provime nga viti i parë i shkollës fillore, deri në provimin pranues në universitet në moshën 18 vjeçare.
Por ministria e arsimit tha se presioni po dëmton “shëndetin fizik dhe mendor” të nxënësve.
Në një deklaratë, ministria tha: “Provimet janë një pjesë e domosdoshme e edukimit shkollor …. [por] disa shkolla kanë probleme si provimet e tepërta, që shkaktojnë barrë të tepërt te nxënësit … kjo duhet të korrigjohet”.
Rregullat gjithashtu kufizojnë numrin e testeve dhe provimeve që një shkollë mund të vendosë për një afat, përcjell UBT News.
Njoftimi është pjesë e reformave më të gjera në sektorin arsimor të Kinës.
Pabarazia në arsim është parë gjithashtu një problem – prindërit më të pasur janë të gatshëm të shpenzojnë mijëra për t’i futur fëmijët e tyre në shkollat kryesore.
Ministria e Arsimit e Kinës ka ndaluar gjithashtu detyrat e shtëpisë për klasat e para këtë vit dhe ka kufizuar detyrat e shtëpisë për nxënësit e shkollave të mesme të ulëta./UBTNews