Kim Kardashian po ndihet mirë pasi u deklarua ligjërisht beqare nga Kanye West, përcjell UBT News.
Alumja e “Keeping Up With the Kardashians” bëri paraqitjen e saj të parë publike – që nga vendimi i gjykatësit – në hapjen e Klubit Social Revolve në Los Anxhelos, ku ajo mori pjesë si beqare.
Kur një mik i ftuar e pyeti se si ishte, Kardashian u përgjigj, “Po ia kaloj shumë mirë”, tha një dëshmitar okular për E! News.
Themeluesja e Skims, 41, postoi disa video në Instagram Story nga ngjarja e Revolve, e cila përfshinte një hapësirë eventesh dhe një vend për blerje personale.
Një ditë më parë, Kardashian u shpall ligjërisht beqare mes divorcit të hidhur me reperin e “Donda 2”. Ajo kishte paraqitur fillimisht një kërkesë për ndryshimin e statusit të saj martesor në dhjetor 2021.
Menjëherë pas fitores së saj në gjykatë, Kardashian largoi mbiemrin “West” nga emri i saj në llogaritë e saj në Twitter dhe Instagram.
Themeluesi i Yeezy më parë pretendoi se Kardashian po e pengonte atë të shihte katër fëmijët e tyre.
Si rrallë herë, Kardashian lëshoi një deklaratë publike, duke shkruar, “Divorci është mjaft i vështirë për fëmijët tanë dhe obsesioni i Kanye për të kontrolluar dhe manipuluar situatën tonë kaq negativisht dhe publikisht, vetëm sa po shkakton dhimbje të mëtejshme për të gjithë”.
Ndërsa Kardashian tani është legalisht beqare, ajo është e lumtur në një lidhje me Davidson, madje dyshja kaluan ditën e Shën Valentinit së bashku në New York City./UBTNews/