Tani që Kim Kardashian është ligjërisht beqare, ajo mund t’i përkushtohet tërësisht të dashurit të saj të ri: Pete Davidson.
Thashethemet rreth romancës
Kardashian dhe Davidson u panë bashkë në tetor të vitit 2021 në skeçin “SNL”, në të cilën ata u puthën sikurse Jasmine dhe Aladdin në tepihun magjik.
Në fund të atij muaji, qarkulluan fotografitë e çiftit duke u mbajtur për dore në një udhëtim për Halloween në Buena Park, Calif, ndonëse një burim tha se ata ishin “vetëm shokë” atë kohë.
“Kanë rrethin e njëjtë të shoqërisë, andaj janë bashkë kohë pas kohe”, shtoi burimi.
Takimet e para
Me sa duket ata ishin më shumë se “vetëm miq”, ndonëse Kardashian dhe Davidson u panë në një darkë private në Campania.
“Pete aranzhoi një darkë private. Janë vetëm ata dy”, i tha një burim nga restoranti faqes Page Six atë kohë.
Zyrtarizimi i lidhjes
Pasi udhëtuan drejt Kalifornisë për ta festuar ditëlindjen e tij të 28-të në nëntor të vitit 2021, Davidson u ndal në rezidencën e Kris Jenner në Palm Springs. Reperi Flavor Flav publikoi një fotografi në Instagram ku ata shiheshin në pizhama. Pas pak kohësh, Page Six ndau lajmin se ata janë bashkë.
Në shkurt të vitit 2022, pasi Davidson e quajti Kardashian për herë të parë si “e dashura e tij”, West u përpoq ta rikthente familjen e tij.
Madje, një muaj më vonë ai publikoi videoklipin e këngës “Eazy”. Në xhirime shihej reperi duke e rrëmbyer dhe varrosur versionin argjilor të Davidson, të cilin e quajti “Skete”.
Ndërsa më 2 mars të vitit 2022, një gjykatë në Los Angeles e shpalli ligjërisht beqare Kim Kardashian. Madje ajo bëri kërkesë ta ndryshojë emrin nga “Kim Kardashian West” në “Kim Kardashian”./UBTNews/