Kevin Spacey u paraqit në një gjykatë të New Yorkut të enjten, pasi kolegu i tij, aktori Anthony Rapp tha se ai abuzoi seksualisht me të kur Rapp ishte i mitur.
Ylli i “Star Trek: Discovery”, Rapp, tani 50-vjeçar, paraqiti një padi kundër Spacey në vitin 2020, për sulm seksual në Manhattan në vitin 1986, kur ai ishte vetëm 14-vjeçar.
Spacey gjithmonë i ka mohuar akuzat, kurse Rapp po kërkon 40 milionë dollarë si dëmshpërblim.
Gjatë hapjes së argumenteve në këtë çështje, të kryesuar nga gjyqtari Lewis Kaplan, avokati i Rapp, Peter Saghir, i tha jurisë prej gjashtë burrash dhe gjashtë grave se Spacey, atëherë në fund të të 20-tave, kreu veprime “të papranueshme” kundër klientit të tij “qëllimisht për dëshirat e tij seksuale”.
Sulmi i supozuar, në apartamentin e Spacey-t në New York, “nuk duhet të kishte ndodhur kurrë”, vazhdoi Saghir. “Ai ishte 14 vjeç”.
Spacey, i cili vazhdoi të luajë në filma si “The Usual Suspects” dhe “American Beauty”, ka një prestigj të ulët që nga publikimi i akuzës, e cila u shfaq në vazhdën e lëvizjes #MeToo. Kjo lëvizje shpërfaqi abuzimet seksuale në industrinë e filmit./UBTNews/