Aktori i njohur, Kevin Spacey është paditur për shtatë akuza të reja për sulm seksual në Britani të Madhe, përveç katër akuzave të tjera me të cilat ai ishte përballur më herët në Britani të Madhe. Aktori po përpiqet të bëjë një rikthim në karrierë me dy filma të tjerë. Incidentet dyshohet se kanë ndodhur mes viteve 2001 dhe 2004.
Në muajin korrik, Spacey u deklarua i pafajshëm për katër akuza për sulm seksual kundër tre burrave midis viteve 2005 dhe 2013 në Londër dhe Gloucestershire. Sulmet dyshohet se ndodhën ndërsa Spacey shërbeu si drejtor artistik i Teatrit Old Vic të Londrës.
Data e gjyqit ndaj Spaceyt në Mbretërinë e Bashkuar është caktuar në qershor të vitit 2023./UBTNews/