Vizita e Kendall Jenner në Itali po vazhdon, por jo pa të dashurin Devin Booker!
Së fundi ajo është treguar më e hapur se kurrë për lidhjen e saj me basketbollistin Booker, kështu duke shpërndarë disa fotografi me të, gjatë pushimeve në Itali, e që njëkohësisht është edhe përvjetori i tyre, përcjell UBT News.
Në dy fotografi të ndara në Instagram Story, Jenner, 25 vjeç dhe Booker, 24 vjeç, ndanë një përqafim teksa u mbështetën në një mur guri para gjirit, me dritat e qytetit që shkëlqenin pas tyre.
Jenner dhe Booker, janë bashkë që nga prilli i vitit 2020, por nuk e bënë publike lidhjen e tyre deri në ditën e Shën Valentinit më 2021, kur ata ndanë fotografi me njëri-tjetrin në Instagram./UBTNews