Keira Knightley refuzoi pantallonat e rehatshme gjatë karantinës. Në vend të kësaj, ajo veshi Chanel dhe gjithashtu vuri buzëkuq të kuq!
Aktorja i tha revistës Harper’s Bazaar UK , se ajo rregullisht luante dress-up gjatë pandemisë me vajzën e saj të madhe Edie, 6 vjeç.
“Ne kemi një trampolinë në kopshtin tonë dhe vendosëm të vishim vetëm fustane mbi të”, tha ajo.
Aktorja tha se burri i saj James Righton, u lejua të bashkohej me të dhe vajzat e saj në trampolinë nëse ai kishte veshur diçka nga “koleksioni i tij i kostumeve Gucci”.
Aktorja shtoi se kishte vendosur buzëkuq të kuq, në përshtatje me veshjet e saj!
Por pse e gjithë kjo?
Knightley, tha se rituali ishte një mënyrë për të rritur moralin në familje gjatë një kohe të vështirë për të gjithë.
Ajo i tha kryeredaktores së botimit, Lydia Slater: “Mendova, cili do të ishte kuptimi i këtyre gjërave të lezetshme për t’u ulur në gardërobë kur jashtë gjithëçka ishte apokaliptike dhe e frikshme? Ishte kaq e rëndësishme të dukesha vërtet e lumtur për fëmijët!”/UBTNews