Katër persona janë arrestuar nën dyshimet se ishin pjesë e një organizate të trafikimit të drogës që i shiste heroinë vdekjeprurëse me fentanil aktorit dhe producentit Michael K. Williams, sipas një njoftimi për shtyp nga Zyra e Prokurorit të Shteteve të Bashkuara të Distriktit Jugor të New Yorkut.
Williams, i njohur për rolin e tij si Omar Little në serialin “The Wire”, u gjet i vdekur në shtator të vitit 2021 në apartamentin e tij në New York. Sipas raporteve mjekësore që u bënë në atë kohë, Williams vdiq nga mbidoza aksidentale.
Irvin Cartagena, Hector Robles, Luis Cruz dhe Carlos Macci u arrestuan të martën. Akuza parashikon një dënim minimal të detyrueshëm prej pesë vjet burg dhe një dënim maksimal prej 40 vjetësh.
Sipas prokurorëve, ata dyshohet se vazhduan të shisnin heroinë me fentanil në Manhattan dhe Brooklyn edhe pas vdekjes së producentit Williams./UBTNews