Një mesazh politik mbështetjeje për regjisorin, Kirill Serebrennikov, në garë për Palmën e Artë, të cilit i ndalohet të largohet nga Rusia.
Në ”Grande Theatre Lumiere” karrigia ku duhej të ulej Serebrennikov mbeti bosh.
Drejtori, 51 vjeç, në fakt u dënua me tre vjet burg, por edhe me ndalimin për t’u larguar nga vendi.
Sidoqoftë, Festivali donte që në mënyrë të qartë t’i jepte atij dhe dy aktorëve të tjerë vende nderi në sallë, edhe në mungesë.
Projeksioni në ekranin e madh, bëri që e gjithë audienca të duartrokiste gjatë duke u ngritur në këmbë.
Sigurisht që nuk është hera e parë që në Kanë artistët janë nderuar kështu.
Mjafton të kujtohet turku Yilmaz Guney dhe iraniani Jafar Panahi për të cilët u mobilizua nga bashkësia ndërkombëtare.
Këtë herë, megjithatë, ishte ndryshe.
Serebrennikov konsiderohet si një nga artistët më të guximshëm rusë të brezit të tij, një zë kritik ndaj Putinit dhe autoritarizmit të qeverisë ruse dhe i rreshtuar për të drejtat e komuniteteve LGBTQ.
Në shkurt 2021, bashkia e qytetit të Moskës dëboi Serebrennikov nga teatri ”Gogol”, që ai e drejtonte që nga viti 2012./