Kanye West ka vazhduar të ndjekë ish-gruan e tij, Kim Kardashian – duke u paraqitur qëllimisht në vende ku ajo planifikon të shfaqet – ndonëse ai ka vazhduar të takohet me aktoren Julia Fox.
West fluturoi për në Miami natën e Vitit të Ri sepse mendoi se ajo do të ishte atje me të dashurin e saj të ri Pete Davidson, i cili kishte një shfaqje atje me Miley Cyrus, megjithatë Kim qëndroi në shtëpi me fëmijët.
Më pas, sipas burimeve, ajo kishte planifikuar fillimisht të shkonte me Davidson në Republikën Domenikane në fillim të vitit. Por Kanye, e mori vesh dhe po fliste që të shfaqej edhe atje, kështu që Kim fshehurazi ndryshoi destinacionin për në Bahamas.
Burimi shtoi se Kim“nuk ishte shumë e lumtur kur Kanye bleu një shtëpi përballë saj në Hidden Hills”.
Burime të tjera këmbëngulën se ndërsa reperi është zotuar të “bashkojë familjen e tij”, blerja e shtëpisë ishte për të lejuar West që të kalonte më shumë kohë me Kim dhe fëmijët e tij.
Ndërkohë, Ye ka qenë i zënë duke promovuar lidhjen e tij të re me aktoren e lezetshme të Nju Jorkut, Julia Fox. n. Aktorja ka folur për romancën e tyre për Interview Magazine, ndonëse dyshja kishin gjithsej vetëm dy takime.
“Është një lojë e dëshpëruar për vëmendje”, tha një burim sa i përket romancës së West dhe Fox, duke shtuar, “Ai lufton publikisht për kthimin e familjes së tij, dhe më pas ai është i lidhur me të gjitha këto vajza të ndryshme. Është shumë e çuditshme”./UBTNews/