Kampioni i botës ukrainas në kikboks, Maksym Kagal, ka humbur jetën në betejë në Mariupol. Lajmi është bërë i ditur nga mediat ukrainase, të cilat theksojnë se atleti ishte pjesë e forcave speciale të Azov.
“Fli i qetë o vëlla, toka është e jotja, do të marrim hak”, ka komentuar trajneri Oleg Skirt.
Kagal ishte kampioni i parë botëror i kikboksit në Iska (Shoqata Ndërkombëtare e Karatesë sportive) në mesin e të rriturve në ekipin kombëtar të Ukrainës.