Ukrainës duhet t’i jepet shansi të presë Festivalin e Këngës së Eurovizion në vitin 2023, ka thënë kryeministri i Mbretërisë së Bashkuar.
Duke folur me gazetarët pasi u kthye nga kryeqyteti i Ukrainës, Kievi, Boris Johnson tha se rrugët atje ishin të gjalla dhe ukrainasit ishin “të sigurt”.
Si fituese e konkursit në maj, Ukraina duhet normalisht të presë shfaqjen, por organizatorët thanë të premten se mendonin se do të ishte shumë e pasigurt.
Planifikuesit e saj po diskutojnë për ta mbajtur atë në MB, e cila doli e dyta.
Grupit Kalush Orchestra, të cilit iu dha leja speciale për t’u larguar nga vendi për të konkurruar, u ngjit në vendin e parë me 631 pikë në një shfaqje simbolike të mbështetjes publike pas pushtimit të Rusisë.
“Ukrainasit e fituan atë në mënyrë korrekte, edhe pse ne patëm një hyrje të shkëlqyer, dhe atyre duhet t’u jepet shansi për ta pritur atë”, tha Johnson.
“Është një vit larg. Do të bëhet mirë në kohën kur të vijë Festivali i Këngës në Eurovizion dhe shpresoj që ata ta marrin atë”.
Ai foli pasi u kthye nga një vizitë e paparalajmëruar në Kiev, ku u takua me Presidentin Volodymyr Zelensky./UBTNews/