Aktori amerikan, Jeremy Renner u shërua nga aksidenti gati fatal që pësoi janarin e kaluar, por kjo përvojë traumatizuese e ka shoqëruar atë që nga ajo kohë.
Ylli i “Avengers” u aksidentua afër shtëpisë së tij në Nevada në përpjekje për ta parandaluar nga rrëshqitja automjetin për largimin e borës, që rrezikonte ta godiste nipin e tij. Ai theu eshtrat dhe pësoi edhe lëndime të tjera.
“Jam shumë i bekuar dhe me fat që po jetoj”, deklaroi ai mes tjerash.
Renner shtoi se është kohë e vlefshme për të.
“Isha shumë i qartë se si dua ta kaloj kohën dhe me kë dua ta kaloj. Për mua është si familje, një lloj stili jetese për të cilat flasim gjatë gjithë kohës. Dhe pastaj kemi vetë frymën, është shumë më tepër përvoja e përbashkët. Dhe kjo për mua është vendi ku dua ta kaloj kohën time”, deklaroi ai tutje.
Ai thotë se është bekuar me shumë dhurata që nga ajo periudhë./UBTNews/