Jennifer Lopezi ka qenë shumë e zënë këto ditë, duke kërkuar për shtëpi bashkë me të dashurin Ben Affleck, në Los Anxhelos.
Mirëpo, këngëtarja dhe aktorja e famshme amerikane nuk po arrin asesi ta shesë apartamentin e saj tejet luksoz në Manhatan të New Yorkut.
Siç raportojnë mediat, Lopezi e ka vënë në shitje apartamentin në vitin 2017 me një çmim prej 26,96 milionë dollarësh, tri vjet pasi e kishte blerë në vlerë prej 20,16 milionë dollarë.
Sipas burimeve të afërta me Lopezin, ajo kishte vendosur ta shiste apartamentin që ndodhet afër parkut Madison Square, pasi e kishte kuptuar se aty nuk mund të bënte jetë private.
“Ai apartament nuk është ideal për të”, ka shpjeguar burimi.
Mirëpo, apartamenti vazhdon të jetë në shitje ende, pasi askush deri më tani nuk është shprehur i gatshëm të japë paratë që kërkon këngëtarja për të.
Apartamenti përbëhet nga katër dhoma gjumi dhe 11 banjo.
