Jake Paul rrezikon deri në 12 muaj burgim pasi u filmua në një qendër tregtare gjatë trazirave pas vrasjes së George Floyd, vitin e kaluar.
YouTuber-i që u kthye në boksier mohoi të jetë përfshirë në plaçkitje në qendrën tregtare në Arizona, pavarësisht se nga pamjet u kap në vendin e ngjarjes.
Autoritetet kanë ngritur akuza kundër Paulit pasi policia federale hoqi akuzat e tyre fillestare. Megjithatë, sipas raportimeve, rasti nuk mund të ndjekej meqë nuk kishte mjaftueshëm prova kundër 24-vjeçarit.
Paul shihej në qendrën tregtare, megjithatë nuk kishte prova se ai ka shkaktuar ndonjë dëm.
Personat përreth tij po shkatërronin kioska dhe thyenin dritare, por ai filmoi vetëm atë që po ndodhte. Ai lëshoi një deklaratë duke u distancuar nga vandalizmi, në të cilën thuhej: “Për të qenë absolutisht i qartë, as unë as askush në grupin tonë nuk ishim të përfshirë në ndonjë plaçkitje apo vandalizëm. Rreth ngjarjes, ne protestuam paqësisht për një nga padrejtësitë më të tmerrshme që vendi ynë ka parë ndonjëherë, e cila çoi në përdorimin e gazit lotsjellës për filmimin e ngjarjeve dhe brutalitetit që po shpalosej në Arizona./UBTNews
