Ushtria izraelite shkatërroi 16 shtëpi që u përkasin palestinezëve në kampin e refugjatëve Tulkarm, në Bregun Perëndimor të pushtuar.
Që nga 21 janari ushtria izraelite vazhdon sulmet e saj në pjesën veriore të Bregut Perëndimor ndërsa buldozerët e ushtrisë izraelite kanë filluar të shkatërrojnë shtëpitë palestineze në kampin e refugjatëve Tulkarm.
Ky përshkruhet si “operacioni më i madh i shkatërrimit” i ushtrisë izraelite që kur ajo nisi ofensivën e saj në veri të Bregut Perëndimor. Ushtarët izraelitë janë pozicionuar në shumë lagje të kampit të refugjatëve Tulkarm ndërsa herë pas here në zonë dëgjohen të shtëna armësh.
Kryetari i Komitetit Popullor të Kampit të Refugjatëve Tulkarm, Faisal Selame tha për AA-në se autoritetet izraelite njoftuan se do të prishin 16 shtëpi në kampin e refugjatëve Tulkarm. Ushtria izraelite që nga 21 janari vazhdon sulmet e saj ndaj qyteteve dhe kampeve në Bregun Perëndimor verior, veçanërisht në qytetin e Jenin dhe kampit të refugjatëve.
Sipas Ministrisë palestineze të Shëndetësisë, 56 palestinezë janë vrarë në sulmet e ushtrisë izraelite në veri të Bregut Perëndimor. Në sulmet ku janë shpërngulur mijëra palestinezë, janë shkatërruar shtëpi dhe prona palestineze si dhe infrastruktura në zonë.
Që nga 7 tetori 2023, në sulmet e ushtarëve izraelitë dhe izraelitëve që kanë uzurpuar tokat palestineze në Bregun Perëndimor dhe Kudsin Lindor të pushtuar, janë vrarë 917 palestinezë, përfshirë 167 fëmijë ndërsa 7.000 të tjerë janë plagosur.