Një gjykatë në Iran ka dënuar një shtetas belg me gjithsej 40 vjet burg, dhjetëra kamxhikë dhe dënime financiare për spiunazh dhe akuza të tjera.
Ish-punonjësi i ndihmës, Olivier Vandecasteele, mori dënimet për katër akuza, sipas gazetës zyrtare të gjyqësorit iranian.
Për secilën nga dy akuzat kryesore, përkatësisht spiunazh për shërbimet e huaja të inteligjencës dhe “bashkëpunim me qeverinë armiqësore të Shteteve të Bashkuara kundër Republikës Islamike”, ai mori 12.5 vjet burg.
Për “kontrabandë profesionale të valutës së huaj” në shumën 500,000 dollarë, Vandecasteele u dënua me 2.5 vjet burg, 74 kamxhik dhe 1 milion dollarë gjobë.
Së fundmi, ai u shpall fajtor për pastrimin e parave që akuzohet për kontrabandë, për të cilat Gjykata Revolucionare e Teheranit vendosi një dënim me 12.5 vjet burg.
Vandecasteele është burgosur në Iran që nga shkurti. Familja e tij tha muajin e kaluar se ai mori një dënim me 28 vjet burg./UBTNews/