Reperi i kthyer në aktor, Ice Cube ka zbuluar së fundmi se iu desh të humbiste një punë aktrimi që ishte caktuar t’i paguante 9 milionë dollarë, sepse ai refuzoi të bënte vaksinën kundër COVID.
Cube, emri i vërtetë i të cilit është O’Shea Jackson Sr., zbuloi në podkastin Million Dollaz Worth of Game se ai kishte humbur një rol në serialin komedi “Oh Hell No” me regji të Kitao Sakurai.
Producentët thuhet se kishin kërkuar nga aktorët dhe anëtarët e ekuipazhit të filmit që të vaksinoheshin kundër COVID përpara se të fillonin xhirimet në Hawaii në dimrin e 2021.
Cube komentoi në podcast, “Kam refuzuar një film sepse nuk doja të merrja atë vaksinë të ndyrë”, duke shtuar më tej, “nuk e di se si ndihet Hollivudi për mua tani”.
Ish-anëtari i NWA nuk dha një përgjigje të qartë kur u pyet nëse ai po planifikonte të linte karrierën në Hollywood dhe të fillonte një shtëpi prodhimi të tij.
Cube nuk është i vetmi personazh i famshëm që ka refuzuar një vaksinë. Të famshëm të tjerë që refuzuan të merrnin vaksinën përfshijnë Offset, MIA, Rob Schneider dhe Joe Rogan./UBTNews/