I akuzuari për krime lufte kundër popullatës civile gjatë vitit 1999 në Kosovë, Ramadan Morina, është sjellë para Gjykatës Themelore në Prishtinë, ku po vazhdon procesi gjyqësor ndaj tij.
Sipas aktakuzës së Prokurorisë, Morina ngarkohet se më 31 mars të vitit 1999, në fshatin Burim të Komunës së Malishevës, në bashkëkryerje me pjesëtarë të tjerë të forcave policore dhe ushtarake serbe, ka marrë pjesë në ekzekutimin e 34 civilëve shqiptarë që nuk ishin të përfshirë në luftime.
Përveç vrasjeve masive, i akuzuari ngarkohet gjithashtu me pjesëmarrje në dëbimin me dhunë të popullatës civile, shkatërrimin e pronave si dhe plaçkitjen e pasurisë së rreth 1.000 qytetarëve shqiptarë gjatë periudhës së luftës. Seanca ndaj tij po vazhdon me shqyrtimin e provave dhe dëshmive proceduralisht në gjykatë. /Ekomomia online/