Sipas mediave Paulo Dybala vazhdon të lidhet fuqishëm me Interin pasi i dha fund aventurës së tij me Juventusin, por ai ka insistuar se edhe më tutje nuk ka marr vendimin final për të ardhmen e tij.
Argjentinasit i përfundon kontrata në muajin e ardhshëm duke u bërë lojtar i lirë dhe për shërbimet e tij interesim kanë shprehur edhe Roma, Arsenali, PSG dhe Tottenhami.
Së fundi ai ishte prezent në qytetin e Milanos në një event humanitar të organizuar nga Samuel Eto’o.
“Nuk preferoj sot që të flas për të ardhmen time për shkak se ende nuk kam vendosur asgjë. Do të bëjë më të mirën për veten time”, tha Dybala. /UBTNews/