Policia e Kosovës ka nisur hetimet për një rast të cilësuar si “Hetim mbi vdekjen” në Hani e Elezit.
Sipas raportit 24-orësh, një burrë është gjetur pa shenja jete nga një dëshmitar. Në vendngjarje kanë dalë njësitë relevante policore dhe ekipi mjekësor, i cili ka konstatuar vdekjen e tij.
Me vendim të prokurorit, trupi i pajetë është dërguar në Institutin e Mjekësisë Ligjore për ekzaminime mjeko-ligjore, ndërsa rasti vazhdon të hetohet. /E.A/