Harvey Weinstein dhe Georgina Chapman janë ndarë zyrtarisht.
Një gjykatës nënshkroi urdhrin përfundimtar të divorcit për regjisorin 69 vjeçar dhe stilisten 45 vjeçare, javën e kaluar, raporton Los Angeles Times.
“Mendimet e vetme të Harvey janë lumturia për familjen e tij dhe shpresa që fëmijët e tij të jenë gjithmonë të kujdesshëm dhe të lumtur”, tha përfaqësuesi i Harvey, Juda Engelmayer për People. “Ai i do ata dhe shpreson se ata e dinë këtë, dhe se një ditë së shpejti, ai mund të jetë pranë tyre”.
Georgina njoftoi në tetor të vitit 2017 se po divorcohej nga Harvey pasi ai u akuzua për ngacmim seksual dhe sulm. Ata u martuan në vitin 2007.
Ish çifti arriti një zgjidhje divorci në janar të vitit 2018. Harvey thuhet se i pagoi Georgina-s një zgjidhje me vlerë midis 15 dhe 20 milionë dollarë. Georgina gjithashtu mori kujdestarinë kryesore të fëmijëve të tyre, vajzës India, 10 vjeç dhe djalit Dashiell, 8 vjeç.
Harvey aktualisht po vuan një dënim me 23 vjet burg pasi u shpall fajtor për përdhunim dhe akte seksuale kriminale, transmeton Klan Kosova.