Harvey Weinstein, ish-manjati i Hollivudit që tashmë po vuante një dënim me 23 vjet burg në New York, u dënua në Los Angeles të enjten me 16 vjet burg shtesë për akuzat për përdhunim dhe sulm seksual. Para shpalljes së dënimit, Weinstein vazhdoi të mohonte akuzat.
“Unë them se jam i pafajshëm. Unë kurrë nuk e kam përdhunuar apo sulmuar seksualisht Jane Doe 1. Nuk e kam njohur kurrë këtë grua dhe fakti është se ajo nuk më njeh. Këtu bëhet fjalë për para”, tha ai.
“Ju lutem mos më dënoni me burgim të përjetshëm”, shtoi ai. “Unë nuk e meritoj atë”.
Weinstein, 70-vjeçar, u dënua në muajin dhjetor nën akuzat për përdhunim./UBTNews/