Në Komisionin për Ekonomi, ka raportuar ministrja e Industrisë, Ndërrmarësisë dhe Tregtisë, Rozeta Hajdari në lidhje me Ligjin e shoqërive tregtare.
Sipas saj, sa i përket këtij ligji kanë avancuar, por hasur edhe në problematika si me rastin e sanksioneve.
“Arritjet e deritanishme mbi ligjin për shoqëritë tregtare, lidhur me sanksionet kemi hasur në vështirësi në të cilat ka arritur në zbatim ky ligj dhe që janë nga më të ndryshmet e që ne si ministri i kemi adresuar dhe kemi punuar në këtë drejtim”, tha Hajdari.
Kryesuesja e grupit punues, Mimoza Kusari-Lila iu drejtua ministres se kanë filluar diskutimet mbi ligjin për shoqëritë tregtare ku janë identifikuar disa probleme si me ARBK-në por edhe me bizneset individualisht dhe lëvizja anasjelltas.
“Ne kemi interes që të kemi shkëmbim të informatave në mes të dy sistemeve, dhe jemi të përkushtuar në ndihmesën e bizneseve dhe bashkëpunimin e ndërsjellët”, tha Hajdari.
Ministrja poashtu tha se janë në proces për dhënien e tri granateve pikërisht të udhëhequra nga gratë, pasi edhe diskutimi ka vazhduar mbi kuotën gjinore dhe të drejtat e grave në biznes.
Ferat Shala nga PDK-ja ka pyet ministren lidhur me bashkëpunimin me universitetet që prodhojnë kuadro për tregun e punës.
Ministrja në anën tjetër iu përgjigj Shalës se është e vërtetë se nuk ka pasur edhe shumë bashkëpunim sa i përket fakulteteve të ndryshme për krijimin e vendeve të punës.
Driton Hyseni nga VV-ja pyet ministren se a do kemi shpejtë një kryetar të ri të ARBK-së dhe jo të punohet me ushtrues detyre.
Ministrja tha se shumë shpejtë ky institucion do të bëhet me kryeshef ekzekutiv.
Edhe deputeti i VV-së, Armend Muja adresoi disa pyetje te ministrja mbi kuotën dhe çështje të bashkëpunimit me institucionet e tjera.