Trajneri i Manchester Cityt, Pep Guardiola ka anuluar sot konferencën për media, pasi është testuar për COVID-19. Ai është duke pritur rezultatet e testit PCR para ndeshjes së dielës kundër Newcastle, e vlefshme kjo për xhiron e 18 të Premier Ligës angleze.
Por si qëndrojnë gjërat, ndeshja mes Manchester Cityt dhe Newcastle United pritet që të zhvillohet pavarësisht situatës me COVID-19.
Ish-trajneri i Barcelonës, Guardiola këtë javë udhëtoi drejt Katalunisë për të qenë prezent në konferencën për media të Sergio Agueros, i cili konfirmoi pensionimin e tij nga futbolli.
Nëse Guardiola teston pozitiv me COVID-19, do t’i duhet që të vetizolohet për 10 ditë, që do të thotë se do të mungonte në ndeshjen kundër Newcastle, dhe atë të fundit për stinorin 2021 në Premier Ligën angleze kundër Leicester Cityt.