Princesha Victoria është shumë e dashur në vendin e saj, Suedinë, dhe të gjithë e lavdërojnë për buzëqeshjen e saj të ngrohtë dhe se sa modeste është. Por mbretëresha e ardhshme ishte përballur me probleme serioze në të kaluarën.
Në vitin 1997, pallati konfirmoi se ajo vuante nga anoreksia. Në fakt, vetë princesha kishte gjetur guximin të fliste hapur për çrregullimin e të ngrënit që për pak i kushtoi jetën, pak para ditëlindjes së saj të 40-të në 2017-ën.
Gruaja gjakblu që vuante nga një çrregullim i rëndë në të ngrënë
Në programin televiziv suedez të titulluar “Princesha Victoria, 40 vjeç”, princesha gjakblu filloi të kishte një çrregullim të të ngrënit kur filloi të ndihmonte prindërit e saj në punën e tyre. Pastaj ajo filloi të kishte kërkesa të larta për veten.
Kur problemi i saj u përkeqësua, ajo e dinte se duhej të kërkonte ndihmë dhe udhëtoi për në SHBA.
“Në Amerikë mora mbështetje nga profesionistë, gjë që ishte shumë e rëndësishme për mua. Mësova të shpreh ndjenjat e mia, të vendos kufij për të tjerët dhe të mos e shtyj veten kaq shumë. Gjithmonë kam kërkuar gjëra më shumë sesa mund të bëja ose të isha“, deklaroi ajo.
Tashmë, Princesha Victoria ka ka lënë pas vështirësitë dhe tani po shijon lumturinë familjare me bashkëshortin e saj Princin Daniel dhe dy fëmijët e tyre, Princeshën Estelle, 10 vjeç dhe Princin Oscar, 6 vjeç./abcnews.al