Akuza e katërt kundër Chris Noth për sulm seksual doli të enjten, këtë herë për një incident të supozuar në vitin 2002.
Këngëtarja e Nju Jorkut, Lisa Gentile, pretendoi se Noth e kishte sulmuar atë seksualisht në apartamentin e saj, pasi e kishte çuar në shtëpi nga restoranti Da Marino në Midtown, dhe më pas e kërcënoi se do t’i shkatërronte karrierën nëse ajo do të fliste ndonjëherë.
Gentile në një konferencë për medie bashkë me avokaten e saj deklaroi se kishte frikë të fliste më parë rreth rastit për shkak të fuqisë dhe kërcënimeve të aktorit.
Ndërsa ajo po bëhej gati të largohej nga restoranti në natën e sulmit të supozuar në 2002, ai i ofroi asaj një udhëtim në shtëpi, tha ajo.
Ndonëse kundër dëshirës së saj, Noth supozohet se kishte tentuar ta sulmojë seksualisht. Ajo pohoi se ai ishte zemëruar jashtëzakonisht shumë kur ajo e kishte shtyrë, duke e ofenduar vazhdimisht para se të largohej nga banesa.
Të nesërmen, sipas pretendimeve të Gentile, ai e thirri në telefonin e shoqes së dhomës dhe e kërcënoi.
“Ai më paralajmëroi se nëse i tregoja ndonjëherë një njeriu për atë që ndodhi një natë më parë, ai do të më shkatërronte karrierën”, tha ajo.
Një përfaqësues i Noth ka mohuar akuzat e tjera, duke këmbëngulur se ai “nuk do ta kalonte kurrë atë vijë”./UBTNews/