Greqia u godit me valën e saj të parë të të nxehtit për sezonin këtë javë me temperaturat që u rritën mbi 40 C (104 F), sipas Observatorit Kombëtar të Athinës të enjten
Temperaturat më të larta u regjistruan në mesditë në Greqinë qendrore, Thesalinë dhe Greqinë lindore qendrore.
Agjencia tha se 18 lokacione regjistruan temperatura mbi 40 C, ndërsa më e larta ishte në Lefkochori në prefekturën Fthiotida në Greqinë qendrore me 42.1 C (107.78 F).
Qytete të tjera me temperatura të larta janë Kopaida dhe Platanoulia në Larisa; Livadia, dhe Agia Triada në prefekturën Fthiotida. Larisa, Psachna në Evia dhe Amfissa regjistruan temperatura që varionin nga 41.6 C në 40.7 C.
Temperatura në Atikë arriti në 39 gradë Celsius dhe në Selanik 34.
Të shtunën pritet një ulje me 6 gradë e temperaturave por ekspertët paralajmëruan se temperaturat e larta do të vazhdojnë deri në fund të muajit.
Spanja, Italia dhe Franca panë gjithashtu një valë të hershme të të nxehtit këtë muaj me temperatura që arritën në 43 gradë Celsius në disa zona të shkaktuara nga një mbulesë ajri i nxehtë nga Afrika e Veriut. /UBTNews/