Një jetë e jetuar me qëllime, kuriozitet intelektual dhe përulësi është ajo që padyshim do të ndikojë në jetën e të tjerëve edhe pas takimeve më të shkurtra. Prandaj, nuk ishte befasi që pas vdekjes së papritur të Virgil Ablohut, individë nga të gjitha sferat e jetës filluan të ndajnë rrëfime për përulësinë, mirësinë dhe padyshim talentin e tij, përcjell UBT News.
Themeluesi i Off-White dhe drejtori artistik i Louis Vuitton, i cili ndikoi pothuajse në çdo cep të muzikës, modës dhe mendimit në njëfarë forme, ishte duke luftuar në heshtje një kancer të rrallë dhe agresiv pas një diagnoze të vitit 2019.
Ndikimi i kancerit gjatë dy viteve të fundit papritmas e shtyri atë të mundohej edhe më shumë, nga krijimi i një fondi bursash për studentët me ngjyrë, te nisja e fushatës “I Support Black Women”. Abloh ishte shumë i vetëdijshëm për pozicionin e tij në modë si një person me ngjyrë, duke bërë përpjekje të mëdha për të mbrojtur talentet e rinj si Samuel Ross dhe markën në rritje “Corteiz”.
Lexoni disa nga thëniet e tij më me ndikim:
“E dini nga kush jam frymëzuar më së shumti? [Nga] Ai fëmijë që nuk ka pasur ende mundësinë të shfaqë markën e tij. Ata fëmijë motivojnë punën që bëj çdo ditë. Kjo është muza për mua: brezi i ardhshëm. Dhe unë dua punën time për të frymëzuar njerëz si ata” – Virgil Abloh
“Ndjehem sikur po i kuptoj gjërat, por nuk ndihem ende i zoti. Unë ende ndihem sikur jam praktikant”.
“Gjithçka që bëj është për versionin 17-vjeçar të vetes”.
“Në disa mënyra, jeta ime ka qenë një projekt i madh i artit të performancës, nuk jam unë në skenën qendrore, por përkundrazi sugjeroj ide, punoj mbi to, ndihmoj një artist t’i ndajë ato me botën dhe shikoj përgjigjen – duke përdorur atë gjendje shpirtërore dhe ndjenjë për të influencuar dhe injektojë ide të reja”.
“ Ju mund të jeni një përçarës, por kjo nuk do të thotë se jeni i mirë. Gjithçka që po përpiqem të bëj është të krijoj gjëra që janë treguese të mjedisit tim dhe komunitetit nga i cili vij, në mënyrë që më shumë njerëz t’i bëjnë ato”.
“Çdo person që mund të citoni: Steve Jobs, Karl Lagerfeld, Michael Jordan – ata nuk janë emra të zakonshëm sepse ata punuan nga [ora] nëntë në [orën] pesë. Ka njerëz në Tokë që i përkushtohen praktikës së tyre apo çfarëdo qoftë. Unë kam qenë gjithmonë i tillë”.
“Unë nuk jam krijuar për një podium, por do të dizajnoj një podium që sjell ndryshime sistematike”.
“Jeta është bashkëpunim. Ajo që unë mendoj se arti mund të jetë disi i gabuar është se ai e përhap këtë ide të vetes si një lidhje dashurie solo – një person, një ide, askush tjetër i përfshirë”./UBTNews/