Kapiteni i Shqipërisë, Berat Gjimshiti, ka arritur një sukses të rëndësishëm duke u zgjedhur në formacionin e javës së 23-të në Serie A. Ky është një moment i shënuar për mbrojtësin e Atalantës, i cili ka gjetur rrugën e rrjetës pas dy vitesh e gjysmë “heshtje” në elitën e futbollit italian.
Gjimshiti pati një paraqitje të shkëlqyer në ndeshjen e fundit të Atalantës ndaj Torinos, duke shënuar një gol të rëndësishëm që e ndihmoi ekipin të arrinte një barazim 1-1. Mbrojtësi 31-vjeçar tregoi aftësi të jashtëzakonshme në fushë, duke u shpallur lojtari me notën më të lartë për bergamaskët në këtë ndeshje.
Përveç golit, Gjimshiti ka dominuar në fushë duke fituar 8 nga 9 duelet me kundërshtarët dhe ka dhënë një pasim kyç për shokët e tij të skuadrës. Kjo paraqitje e tij ka tërhequr vëmendjen e ekspertëve dhe tifozëve, duke i mundësuar atij të fitojë një vend në formacionin e javës në Serie A.
Në sulm, formacioni i javës është udhëhequr nga sulmuesi i Juventusit, Kolo Muani, i cili shkëlqeu me dy gola të shënuar kundër Empolit, duke kontribuar në fitoren e ekipit të tij.
Ky është një arritje e madhe për Berat Gjimshitin, i cili vazhdon të jetë një lider i padiskutueshëm në mbrojtjen e Atalantës dhe përfaqësuese të Shqipërisë.
