Pas një serie kontrollesh mjekësore, është konfirmuar se mbrojtësi i Kombëtares, Berat Gjimshiti, ka pësuar një goditje të fortë në kaviljen e djathtë, që do ta mbajë jashtë grumbullimit me Kombëtaren shqiptare për ndeshjet e ardhshme.
Për këtë arsye, Gjimshiti do të qëndrojë në Bergamo, ku do të fillojë fazën e rikuperimit. Trajneri i Atalantës, Gian Piero Gasperini, ka shpresë që lojtari të jetë i gatshëm për ndeshjen e ardhshme pas dy javësh, megjithatë, mjekët kanë theksuar se do të mund të përcaktojnë një datë të saktë për rikuperimin pas një jave seancash.
Ky është një lajm i hidhur për Kombëtaren shqiptare, që do të duhet të bëjë pa një nga mbrojtësit më të rëndësishëm në formacion për ndeshjet e ardhshme./UBTNews/