Furnizimi i Gjermanisë me gaz “mbetet i sigurt” tha të mërkurën ministria gjermane e ekonomisë.
“Furnizimi ynë me gaz është i garantuar në këtë fazë dhe ne po monitorojmë nga afër situatën e furnizimit së bashku me Agjencinë Federale të Rrjetit”, tha zëdhënësja Susanne Ungrad për CNN, transmeton UBT News.
Shumica e gazit rus të importuar nga Gjermania, megjithatë, nuk kalon përmes Ukrainës, përkundrazi transportohet nëpërmjet tubacionit Nord Stream 1 përmes Balltikut, shtoi Ungrad.
Zyrtarët gjermanë kishin paralajmëruar më parë se mund të përballet me mungesë gazi për një mosmarrëveshje pagesash me Rusinë që u ngrit pas pushtimit të Ukrainës./UBTNews/