Gjermania planifikon të votojë në mbështetje të një pakete të Bashkimit Evropian që do të ndalonte efektivisht shitjen e makinave të reja me motorë me djegie nga viti 2035, tha ministrja e mjedisit të martën.
“Nëse paketa përfshin atë që sugjeroi Komisioni, ndalimin e makinave që emetojnë dioksid karboni nga viti 2035, atëherë ne do të votojmë në mbështetje”, tha ministrja e Mjedisit, Steffi Lemke për transmetuesin ZDF, përcjell UBTNews.
Ministri i Financave, Christian Lindner, tha në një ngjarje të organizuar nga shoqata gjermane e industrisë BDI javën e kaluar se qeveria gjermane nuk do të pajtohej me planin. /UBTNews/