Një burrë është gjetur pa shenja jete në një punëtori në rrugën “Mihal Grameno” në Gjakovë.
Zëdhënësi i Policisë në Gjakovë, Sheremet Elezaj, tha se vdekja e viktimës është konstatuar në spitalin rajonal në Gjakovë.
“Rreth orës 11:40 është raportuar se viktima mashkull i moshës madhore është gjetur pa shenja jete, në një punëtori në rrugën “Mihal Grameno” -Gjakovë. Vdekja e tij është konstatuar në Spitalin Rajonal në Gjakovë. Në vendin e ngjarjes kanë dalë njësitet e nevojshme policore . Me vendim të prokurori të shtetit (i cili po ashtu ka dalë në vendin e ngjarjes) është iniciuar rast “hetim i vdekjes”. Trupi i pajetë i viktimës është dërguar në IML për obduksion”, deklaroi ai.
Rasti është iniciuar si “Hetim i vdekjes”.