Një piton 3.6 metra i gjatë u arratis nga kopshti zoologjik dhe doli “shëtitje” në një qendër tregtare në Louisiana të SHBA.
Gjarpri i quajtur Cara, u kap nga autoritetet mëngjesin e së enjtes pas dy ditë kërkimesh.
Në pamjet e postuara në rrjetet sociale nga kopshti zoologjik, Blue Zoo Baton Rouge, shihen punonjësit që nëpërmjet një shkalle marrin Cara-n në krahë dhe e zbresin poshtë nga tavani i qendrës tregtare, ku kishte përfunduar.
“Jemi të lumtur të ndajmë me ju lajmin se kërkimet morën fund! Cara u gjet shëndoshë e mirë”, shkruajti kopshti zoologjik.
Pitoni i llojit Burmese, ngjyrë i verdhë me të bardhë u dërgua në veterinari për kontroll mjekësor.
Sipas stafit të kopshtit zoologjik, Cara është një gjarpër jo helmues, miqësor dhe i pëlqen ta kalojë kohën duke ndërvepruar me vizitorët.
SEE THE MOMENT: Here’s video of Cara the Python was pulled out from the wall somewhere within the Mall of Louisiana. Video is from Blue Zoo Baton Rouge. @WAFB https://t.co/ziVjx9EWIW pic.twitter.com/DFdQBJAeoD
— lizkohTV (@lizkohTV) July 8, 2021