Ky është momenti kur moderatori i lajmeve në një televizion të Zambisë ndërpreu edicionin e lajmeve për të treguar se ai dhe kolegët e tij nuk kanë marrë pagat.
Videoja ku shihej moderatori Kabinda Kalimina gjatë edicionit të lajmeve i cili po këmbëngulte për paga, u bë virale.
Para kamerës ai tha: “Përtej lajmeve të ditës, zonja dhe zotërinj, ne jemi qenie njerëzore. Duhet të paguhemi për punën që e bëjmë. Fatkeqësisht, në KBN nuk na kanë paguar… Sharon dhe të tjerët nuk janë paguar, as unë. Duhet të na paguani”, deklaroi ai.
Por ai gjatë këtij fjalimi u ndërpre nga regjia dhe u futën reklama.
Nga televizioni reaguan, duke thënë se prezantuesi ka shkuar shumë shpesh i dehur në punë./UBTNews