Napoli ka nderuar figurën e legjendës së futbollit, Diego Maradona. Në ndeshjen e djeshme ndaj Rijekas në Ligën e Evropës, futbollistët e Napolit kanë veshur fanellën me numër 10 të Diego Maradonas.
Ndeshja filloi me një minutë heshtje për legjendën e futbollit, i cili u nda nga jeta të mërkurën, pas një arresti kardiak.
Mijëra tifozë ishin mbledhur jashtë stadiumit San Paolo, për ta kujtuar yllin e futbollit.
Presidenti i Napolit, Aurelio De Laurentiis zbuloi se stadiumi i klubit do ta mbajë emrin e futbollistit të ndjerë, Diego Armando Maradona./UBTNews