Yjet e Anglisë i kanë premtuar shokut të skuadrës, Phil Foden, se do t’i lyejnë të gjithë flokët biond, si ai, nëse fitojnë Euro 2020.
Para nisjes së turneut Foden u bë viral në rrjetet sociale, pasi leu flokët me një ngjyrë të verdhë, thuajse në të bardhë, njësoj si Paul Gascoigne 25 vite më parë, kur Anglia arriti deri në gjysmëfinalet e Euro ’96.
“I thashë shokëve që nëse fitojmë do të duhet t’i lyejnë të gjithë flokët si unë, dhe të gjithë ranë dakord”, tha Foden për “talkSPORT”. “Shpresojmë të fitojmë dhe do t’i shihni të gjithë me të njëjtën prerje flokësh, mendoj se Rumania e ka bërë një herë… Do të jetë argëtuese”.
Në fakt, skuadra kombëtare rumune e ka bërë këtë në Kupën e Botës së vitit 1998.