Sonte me fillim nga ora 21:00 do të zhvillohet ndeshja tejet interesante mes gjigantit anglez Manchester United dhe kampionit spanjoll, Atletico Madrid, e vlefshme kjo për ndeshjen e kthimit të fazës së eliminatoreve të Ligës së Kampionëve.
Në takimin e parë të zhvilluar në stadiumin “Wanda Metropolitano”, të dy skuadrat barazuan me rezultat 1:1
Ndërkaq, në ndeshjen e fundit të zhvilluar, Manchester United e mposhti me rezultat 3:2 skuadrën e Tottenham, kurse Atletico Madridi shënoi fitore me rezultat 2:1 kundër Cadizit.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për United nuk do të paraqiten Greenwood dhe McTominay, kurse te Atletico do të mungojnë Cunha, Lemar, Vrsaljko dhe Wass.
Formacionet e mundshme të dy skuadrave i gjeni më poshtë:
Manchester United (4-2-3-1): De Gea; Dalot, Varane, Maguire, Telles; Fred, Matic; Sancho, Fernandes, Pogba; Ronaldo
Atletico Madrid (3-5-2): Oblak; Savic, Felipe, Reinildo; Llorente, De Paul, Koke, Herrera, Lodi; Joao Felix, Correa
21:00 Manchester United – Atletico Madrid (Stadiumi Old Trafford)