Tottenham Hotspur dhe Liverpool zhvillojnë ndeshjen e xhiros së njëzet në Ligën Premier, në përpjekje për t’u rikthyer në garën për titull.
Dy skuadrat ndodhen në pozitat gjashtë dhe pesë, ndërsa kanë një pikë dallim mes tyre, 33 dhe 34, derisa lideri i ri i kampionatit, Manchester City, numëron 41 pikë.
Redsat nuk kanë fituar në pesë ndeshjet e fundit, duke regjistruar tri barazime dhe dy humbje (humbje, barazim, humbje, barazim, barazim).
Kurse Spursat, kanë dy fitore, dy barazime dhe një humbje, në pesë sfidat e fundit kampionale (fitore, barazim, fitore, barazim, humbje).
Të dhëna interesante
Tottenhami ka humbur pesë ndeshjet e fundit kampionale ndaj Liverpooli, ndërsa kurrë nuk i kanë humbur gjashtë ndeshje radhazi ndaj kësaj skuadre.
Liverpooli është në kërkim të fitores së tretë radhazi në udhëtim te Spursat për herë të parë, pasi ka fituar në sezonet 2018/2019 dhe 2019/2020.
Pas fitores ndaj Manchester Cityt në sezonin e kaluar, Tottenhami dëshiron të fitojë sërish në shtëpi ndaj kampionit në fuqi të Ligës Premier, që nga koha kur e kishte mposhtur dy herë radhazi Manchester Unitedin në sezonet 1999/2000 dhe 2000/2001.
Formacionet e mundshme
Tottenham Hotspur (4-2-3-1): Lloris; Aurier, Alderëeireld, Dier, Reguilon; Hojbjerg, Winks; Son, Ndombele, Bergwijn; Kane.
Liverpool (4-3-3): Alisson; Alexander-Arnold, Matip, Fabinho, Robertson; Thiago, Henderson, Wijnaldum; Salah, Firmino, Mane.
Parashikimi
Liverpooli nuk ka dhënë shumë në fazën e sulmit në javët e fundit dhe gjërat mund të jenë më të vështira përballë Tottenhamit. Pritet të jetë një përballje mjaft e ngushtë dhe parashikimi është që të mbyllet me rezultat të barabartë.