Me rizgjedhjen e Donald Trump, Ukrainës së shpejti mund t’i duhet të përshtatet me një reduktim dramatik të mbështetjes së SHBA-së që mund të ketë një ndikim vendimtar në luftën me Rusinë.
Trump dhe bashkëpunëtorët e tij, si senatori JD Vance, kanë shprehur hapur skepticizëm për angazhimin afatgjatë të SHBA-së ndaj Ukrainës. Kjo qasje ngre pikëpyetje mbi ritmin dhe nivelin e ndihmës që SHBA mund të ofrojë pas tranzicionit presidencial.
Komandanti i Përgjithshëm i Ukrainës, Oleksandr Syrskyi, tha se situata në vijën e frontit “mbetet e vështirë” dhe zona të caktuara “kërkojnë rinovim të vazhdueshëm të burimeve të njësive ukrainase” në një deklaratë në Telegram të shtunën në mëngjes.
Megjithatë në frontin lindor të Ukrainës, situata mbetet e vështirë ndërsa Rusia po forcon fuqinë e saj njerëzore me forcat e Koresë së Veriut ku synon të konsolidojë kontrollin e saj, rreth 10,000 trupa koreano-veriore janë vendosur në rajonin Kursk të Rusisë dhe ka paralajmërime se këto njësi mund të aktivizohen kundër Ukrainës, çka përbën një përshkallëzim të ri në konflikt, përcjellë UBTNews.
Nën administratën e Bidenit, SHBA-ja ka dhënë dhjetëra miliarda dollarë ndihmë për Ukrainën, si në formën e armëve ashtu edhe në formën e ndihmës buxhetore. Administrata planifikon të vazhdojë të shtojë sa më shumë mbështetje për Kievin përpara se Trump të marrë detyrën./UBTNews/